பார்படாஸ், மே.18
மேற்கு இந்திய தீவுகளில் நடைப் பெற்று வந்த பெண்கள் உலககோப்பை கிரிக்கெட் போட்டியின் பரபரப்பான இறுதி ஆட்டத்தில் ஆஸ்திரேலியா அணி, நியூசிலாந்து அணியை வீழ்த்தி சாம்பியன் பட்டத்தை வென்றது.
வெஸ்ட் இண்டீசில் டுவென்டி20 உலககோப்பை கிரிக்கெட் போட்டிகள் நடைபெற்றது. இதில் ஆண்கள் பிரிவில் இங்கிலாந்து அணி, ஆஸ்திரேலியாவை வீழ்த்தி சாம்பியன் பட்டம் வென்றது. பெண்களுக்கான இறுதிபோட்டியில் ஆஸ்திரேலியாநியூசிலாந்து அணிகள் தகுதி பெற்றன.
டாஸ் வென்று முதலில் களம் இறங்கிய ஆஸ்திரேலியா பெண்கள் அணி நிர்ணயிக்கப்பட்ட 20ஓவரில் 8விக்கெட் இழப்பிற்கு 106ரன் எடுத்தது.
பின்னர் 107ரன் எடுத்தால் வெற்றி என்ற இலக்குடன் களம் இறங்கிய நியூசிலாந்து பெண்கள் அணி இறுதி வரை போராடியது. ஆனால் 20ஓவர் முடிவில் அந்த 6விக்கெட் இழப்பிற்கு 103ரன் மட்டுமே எடுத்தது.
இதனையடுத்து ஆஸ்திரேலியா பெண்கள் அணி 3 ரன்கள் வித்தியாசத்தில் வெற்றி பெற்று கோப்பையை கைப்பற்றியது.
No comments:
Post a Comment